Турнір смелых  і ўмелых у дзіцячай бібліятэцы

Напярэдадні Дня абаронцаў Айчыны ў дзіцячай бібліятэцы адбылася цікавая конкурсная праграма  пад назвай "Турнір смелых і ўмелых".  У ёй прынялі ўдзел вучні 6 "В" класа СШ № 1.  Галоўнымі героямі свята сталі дзве каманды хлопчыкаў, якія ў барацьбе за перамогу павінны былі пераадоліць шэраг выпрабаванняў. Конкурсы  былі як інтэлектуальнага, так і спартыўнага характару. Хлопчыкі паказалі рысы характару, уласцівыя сапраўдным рыцарам: мужнасць, кемлівасць, інтэлектуальныя здольнасці. 

Дзяўчынкі і класны кіраўнік Юлія Уладзіміраўна Тарарака былі актыўнымі  балельшчыцамі.  Напрыканцы конкурсных выпрабаванняў ўсе ўдзельнікі атрымалі дыпломы, а пераможцы -  сертыфікаты на наведванне канцэрта групы "Дразды".